“Posible indi gid malab-ot ang maximum nga 10,000 pesos nga extra bonus.” Ini ang pahayag ni Provincial Administrator Atty. Rayfrando Diaz bangud nga ang available nga savings sa Personal Services ang 5 million pesos gid lamang.
Nagakahulugan nga kon i-compute ukon ibahin-bahin sa kapin 3,200 ka mga empleyado, ang maiguan sini ang 1,700 pesos gid lamang.
Nahibaluan nga ang Administrative Order ni Pang. Duterte sa tanan nga LGU sa pungsod nga magahtag sang extra bonus sa ila mga empleyado nga kapin 10,000 pesos kag indi mag-sobra kag ang pondo kuhaon sa savings sang Personal Services.
Suno kay Atty. Diaz, plano karon ni Gov. Bong Lacson nga mag-appeal sa Office of the President bangud may iban pa man nga source kuntani nga pagakuhaan para malab-ot ang 10,000 pesos.
Apang base sa administrative order presidente, ang source dapat magahalin lang sa Personal Services gani 1,700 gid lamang ang available nga mangin extra bonus sang mga empleyado.
[image: image.png]
