BACOLOD CITY – Gin-identify na sang Bacolod City Health Office (CHO) ang napulo ka mga barangay sa Bacolod bilang Dengue hotspots.
Ang amo nga mga barangay ginalakipan sang Barangay Mansilingan, Vista Alegre, Mandalagan, Villamonte, Granada, Banago, Taculing, Alijis, Estefania kag Brgy. Handumanan.
Ini kasunod nga nagdangat na karon sa napulo ka biktima ang nagkalamatay tuga sang dengue kon diin ang pinakalatest nga casualty amo ang 3-anyos nga bata nga babayi sa Brgy. Villamonte.
Sa pihak nga bahin, gina remind man sang City Health Office ang mga nagapanag-iya sang ido nga dapat pabakunahan gid ang ila hinuptan batuk sa rabies.
Ini matapos nga nagdangat na sa kapin 925 ka mga kaso sang animal bites ang na record sadtong bulan sang Mayo kag 729 naman sang nagligad nga bulan sang Hunyo./dyHB BACOLOD
