10 ka mga Fruitgame Machines nakumpiskar sa Brgy. Sabang, Surigao City

105

10 ka mga Fruitgame Machines nakumpiskar sa Brgy. Sabang, Surigao City Namahayag si Brgy. Kagawad Alma Gorillo, sija kaiban an mga Brgy. Tanod ug sa tabang sa City PNP an mikumpiskar sa 10 ka unit sa Fruitgame o mas nakilay-an na Tsololot machines gabii sa Purok 2, Brgy. Sabang, Surigao City. Ini resulta sa maarang na reklamo na ija nadawat sa mga residente labi na sa sumbong na an bayon sa mga kabataan an adto ra mahurot sa sugal, an iban an dili na mo-eskuwela kay adto rakan magyampungad sige naghuyog-huyog nan tinagpiso sa Tsololot machines. Dugang pa ni Brgy. Kagawad Gorillo, ila pahimangno sa mga residente sa ila barangay na ihunong an pagbaton nan Fruitgame machines kay magpadajon an ila operasyon sa pagpandakop para mapakgang na an illegal na sugal.

Facebook Comments