Patay rong pahinante it sangka 10 wheeler truck matapos nga mahueog sa banglid sa Sitio Bangbang, Feliciano, Balete kaina it aga-aga.
Rong driver nakilaea kay Ryan Yap y Cayama, 28-anyos residente it Brgy. San Miguel , Bitinan. Zamboanga samtang rong pahinante nga namatay nakilaea kay Mark Jaymund Arcilla, 24-anyos it Zamboanga.
Sa imbestigasyon it Balete PNP nga kaina it mga alas 12:10 it aga-aga nakabaton sanda it tawag nga may unang aksidente nga natabo sa lugar ag insigida gin respondehan.
Sa andang pag-abot nakita rong sangka ISUZU Dropside nga naka rehistro sa ngaean it Storm Signal nga ginapanag iyahan ni Mr. Bencheto P. Neri it Brgy. Luciano, Trece Martires City kung sa siin nag biyahe raya halin sa Trece Martires, Cavite paadto it Iloilo City pero pag-abot sa lugar hay uwa mapan uhi it driver ro kurbada nga parte it karsada ag nahueog raya sa banglid.
Gindali dali it daea kung mga kapulisan rong driver sa hospital pero gin refer daya sa OPD ag sa andang pagbalik ag pagpatigayon it imbestigasyon hay pumanaw rong driver nga uwa it paghisayod ro mga kapulisan ag uwa eot a imaw kitaa.
Samtang, kaina it mga alas 6:00 rong agahon uman nga nagbalik ro mga kapulisan sa lugar agod mag imbestiga it dugang hay nadiskubrehan pa gid ro sambilog sa andang mga kaibahan nga si Mark Jaymund nga hatampukan it mga kargang kabilya ag uwa eon it kabuhi.
Nasayuran nga rong driver it truck hay nagahugom pa makahililong nga ilimnon.
Sa makaron hay detained sa lock up cell it Balete PNP rong driver para sa pagpasaka it kasong Reckless Imprudence Resulting to Homicide, samtang rong namatay hay una sa sangka punerarya sa banwa it Balete.
Sa pakikipag-angot mat-a it RMN News Team sa driver it truck nga kahapon pa sanda iya nag abot sa Aklan, nagpundo sanda sa banwa it Nabas ag nagpapanog it mga kabilya ag pagkatapos hay nagbiyahe sanda paadto it Banga pag-abot sa Banga nag stop over sanda, nag tu-on it ihapon, nag eaha it suea ag ko ulihi hay nag tagay-tagay bago eoman nagbiyahe.
Pag-abot suno kana sa natabuan it aksidente hay naglikaw imaw sa kasubeang nga saeakyan pero nag deri-deritso sanda sa banglid ag nahueog.
