Malinao, Aklan – Patay rong sangka 15-anyos nga eaeaki matapos nga magkasagian kahapon rong Mitsubishi Montero ag motorsiklo sa Brgy. Manhanip, Malinao, Aklan.
Sa report it Malinao PNP nga natabo rong aksidente kahapon mga ala 1:00 ro hapon tag rayang Montero hay nagapaadto kunta sa Brgy. Daja Sur, Banga apang pag-abot sa kurbada nga parte it karsada hay nagkasagian sanda ko motorsiklo nga halin sa Brgy. Tambuan ag paadto it Poblacion nga ginamaneho ni Rodel Puod Sr, 40-anyos ag may mga backrider nga sanday Christian Rey Puod, 29-anyos ag ro 15-anyos nga biktima tanan residente it nasambit nga lugar.
Matapos nga magkasagian hay inapok sa bakili ag umigo pa sa poste it iwag si Rodel ag nakaangkon it bali sa waea nga butkon, ag si Christian Rey hay sa waea nga batiis rong lastro.
Rong Mitsubishi Montero hay ginamaneho ni Danilo Delos Santos, 58-anyos ag residente it Bakhaw, Manduriao, Iloilo.
Insigida man nga gindaea it mga taga Malinao PNP rong mga biktima sa hospital.
Ginapatihan nga posible makaangkon it settlement hinduna ro magtimbang nga parte.
