BACOLOD CITY – Apektado na karon sang illegal drugs ang halos 61 ka mga kabaranggayan sang ciudad sang Bacolod.
Suno kay Philippine Drug Enforcement Agency ukon PDEA Academy, Supt. Director Elyvenson Plaza nga 100 percent sang mga barangay sa Bacolod ang makabig na karon nga “drug affected.”
Nagpadulong sa Bacolod ang director sang PDEA sang nagligad nga Sabado para sa launching sang ila programa sa government center.
Nahibaluan nga base sa record sang PDEA as of February 2018, may 36 ka mga barangay sa Bacolod ang moderately affected kag 25 ka mga barangay ang slightly affected.
Una na nga gindeklara ang barangay 5, 24 kag 41 nga drug sang 3rd quarter sang 2017 apang subong ginbalik sa slightly affected ukon may nagagamit gihapon sang druga.
Sa interview sang dyHb ginpahayag ni Punong Barangay Leonilo Colegado sang Barangay 41 nga padayon sila nga drug free. Kon may ara gid man nga mga nga mga drug users, ini ang nagikan sa boundary sang iya barangay nga amu ang Barangay 27 kag Taculing.
Moderately affected naman ang barangay kon may presensya sang pusher.
Hot spots sa gihapon sa Bacolod ang Barangay 1, 2, 31, Banago kag Singcang. /PDEA Negros photo
