Nangandam na ang kapolisan sa dakbayan sa Sugbu alang sa ilusad nga mga rally ug protesta atol sa ika -45 nga anibersaryo sa Martial Law karong Septembre 21, adlaw`ng Huwebes .
Di momenos sa usa ka gatus ka mga pulis ang ideploy sa kadalanan sa dakbayan sa Sugbu isip kabahin sa crowd dispersal management team nga mosiguro sa pagpatunhay sa kahusay ug kalinaw atol sa mga rally karong Huwebes .
Si Cebu City Police Office chief , Sr. Supt. Joel Doria nibutyag nga gawas sa kapolisan sa syudad , adunay augmentation gikan sa Police Regional Office -7 diin ang mga pulis motabang sa pagduma ug pagpahasay sa dagan sa trapiko .
Nagtoo hinoon si Doria nga lahi ang mga raliyiista dinhi sa Sugbu itandi sa ubang mga dapit sa nasud , tungod kay naandan na ang hapsay nila nga mga pagpahigayon ug susamang kalihukan sa dakbayan .
