Mokabat sa kapin kon kulang 100-thousand pesos ang damyos sa sunog sa sityo Haka-kaha, Zone 5, Barangay Bonbon mga alas 9:45 kaganinang buntag.
Matud ni Fire Senior Inspector Samson Velarde nga ang tag-iya sa nasunog nga balay mao si Johnny Monteza, 62 anyos ug residente sa maong dapit.
Gibutyag ni Velarde nga miabot sa first alarm ang maong sunog nga maoy nag-ugdaw sa balay sa biktima.
Matud ni Velarde nga ilang na control ang sunog mga alas 10:05 sa buntag ug ilang na-fire out sa alas 10:08 sa buntag.
Gibutyag ni Velarde nga walay injured sa maong sunog apan ilang gitotokan sa ilang imbistigasyon ang electrical flying connection ug LPG tank nga matud pa mi-leaking nga maoy hinungdan sa sunog.
Facebook Comments
