2 ka essential Worker, dakpan sa buy-bust operation

27
Handcuffs

General Santos City–Sikop sa operatiba sa CPDEU, RPDEU, CIU ,Police Station 4, CMFC GSCPO sa pagpanguna ni PMAJ Patrich Elma ang duha ka mga personahe nga nailang silang Marvin Adicir Pedazo ug Ronnil Nes Escribano, atol sa gipahigayong Buy-bust operation sa area sa Purok Kaunlaran, Barangay Mabuhay, Gensan alas 9:00 sa gabie.

Nasikop ang mga nasangpit human nga napalitan ug usa ka sachet sa gituohang shabu sa police nga nagpakarong-ingnong poseur buyer gamit ang P500.00 nga marked money. Samtang narekober sa gisakyan sa duruha nga Isuzu delivery meat van nga gipanag-iyahan sa usa ka company ang duha ka sachet sa suspected shabu nga gibana-banaang nagkantidad ug P15, 000.00.

Kasong kalapasan sa Sec.5, 11 ug 12 ang atubangon sa duha ka mga suspek kansa balhog na karon sa silda sa Police Station 4.

Facebook Comments