*General Santos City—- Nakalatag na ang security plan sa militar alang sa piniliay sa Mayo 13. Kini ang gibutyag ni Col. Adonis Bajao, Commanding Officer sa 1002nd Brigade, Philippine Army.*
*Sumala niya nga makapilang higayon na silang nagpahigayon ug coordinating conference uban ang comelec ug pnp. Gani dinhi sa dakbayan sa Gensan andam ang Joint Task Force Gensan alang sa pag-deploy sa tropa.*
*Saysay niya nga gawas sa election, lakip sa ilahang gina-tutukan karon mao ang posibleng presensya sa rebeldng New People’s Army kon NPA ug uban pang armadong grupo sa mga utlanan nga bahin sa ilahang area of responsibility.*
*Dugang pamahayag ni Col. Bajao nga sa kasamtangan, nagpabilin pang hapsay ug malinawon ang lahang area of responsibility, apan wala matud pa sila naga-kumpyansa.*
*Samtang, gibutyag nini nga sa karon wala pa silay nadawat nga unsa mang report kabahin sa pagpangulekta ug permit to campaign ug permit to win sa pa ngadto sa mga kandidato.*
