General Santos City–Padayong nanawagan karon ang pamunuan sa 1002nd Brigade Philippine Army ngadto sa mga NPA nga padayong nagalihok sa kabukiran nga musurrender na ug mubalik sa sabakan sa goberno aron nga dili mahisama sa ilahang mga kauban nga namatay sa engkwentro tali sa tropa sa miltar.
Sumala pa ni 1st Lt. Lea Canseran ang tigpamaba sa 1002nd brigade nga hangtud sa may panahon pa ang mga NPA nga mosurrender dapat ila na kining himuon aron ilang mapahimuslan ang programa sa gobyerno pinaagi sa Enhance Comprehensive Local Integration Program (E-CLIP) alang ngadto sa mga NPA Surenderee kung asa hatagan ug cash incentives ug livelihood assistance ang mga pulang mangugubat nga Motahan sa ilang kaugalingon ngadto sa gobyerno.
Dugang pa ni 1st. Lt. Canseran nga mas buot sa kasundalohan nga humanon ang kagubot pinaagi sa hapsay nga pamaagi apan ug muabot matud pa ang higayon nga gikinahanglan nila nga mugamit ug armas himuon matud pa kini sa militar. (Dave Silagan)
