Davao City- Sobra sa tulo ka milyon ka pesos ang gibana-banang balor sa nakompiskang kapin dos sientos gramos nga illegal drugs atol sa sunod-sunod nga Anti-crime/Anti-Terrorism major clearing operations nga gilusad sa naghugpong nga pwersa sa DCPO, TF Davao, PDEA 11, RDEU 11, RPSB 11, CIDG 11, Maritime 11, Crime Lab Office 11, HPG 11 ug Phil Coast Guard kagahapong adlawa dinhi sa Davao City.
Nasakmit sab atol sa 88 ka mga operasyon sa Joint Task Force kagahapon ang (2) low powered firearms sama sa 1 unit 9mm ug 1 unit .45 cal pistol with 2 mini bottle of IED nga gituhuang dinamita ug 1 pc hand grenade nakit-an sa usa ka pump boat.
Ang nahisgutang operasyon nga rumbo ang mga tawong pinangita sa balaod, mga nalambigit sa gidiling druga ug sa terorismo ang nagbunga sa pagka-aresto sa 101 ka mga tawo (81 lalake, 17 babaye, 3 ka mga minor de edad nga lalake) diin gipangpaslak na sa prisohan samtang giandam na ang mga tukmang kaso batok sa mga dinakpan.
