Nakighiusa ang mga lideres sa probinsya sa Bukidnon sa kasaulugan sa ika- 105 nga pagkahimugso sa lalawigan kagahapong adlawa.
Sa interview sa RMN Malaybalay ngadto kang Hansel Echavez, ang administrative officer sa Public Affairs and Information Assistance sa Provincial Government of Bukidnon gibutyag niini nga naglamalampuson ang gihimong aktibidad sa foundation day sa Bukidnon nga gitambungan sa mga lideres sa probinsya ug mga opisyal sa nagkadaiyang local government unit, katawhan ug bisan ang mga pribado ug pampublikong mga empleyado.
Matud ni Echavez nga highlight sa kalihukan kagahapon mao ang pag-apod-apod sa mga Certificates of Land Ownership Award kon CLOA sa mga benepisiyaryo.
Ang mao nga awarding of CLOA tinuig nga kalihukan matag foundation day sa Bukidnon.
Nasayran nga tema karong tuiga sa 105th founding anniversary mao ang Success is the fruit of peace and unity kon ang Kalambuan maoy bunga sa kalinaw ug panaghiusa.
Alayon niini, gideklara sa Palasyo sa Malakanyang nga usa ka Special non-working day sa probinsya sa Bukidnon karong adlawa, Lunes, Setyembre 2, 2019.
Kini subay sa usa ka proclamation no. 799 nga gipirmahan ni Executive Secretary Salvador Medialdea niadtong Agosto 28 ning tuiga.
