General Santos City— Mukabat na sa 106 ang naitalang boluntaryong mitahan sa ilahang kaugalingon sa kapulisan gikan sa 180 nga target sa oplan tokhang sa Gensan City Police Office.
Sumala kang Police Chief Inspector Jovenson Bayona, tigpamaba sa GCSPO nga anaa na usab sa 18 ang mga naaresto samtang duha ang naitalang patay. Pamahayag niini nga ang maong ihap ang pamatuod lang nga naga-trabaho ang kapulisan sa dakbayan.
Dugang pamahayag ni PCI Bayona nga gawas sa 180 nga listahan nga gipakanaug sa Directorate For Intelligence, adunay listahan nga gihatag ang mga barangay sa mga posibleng lambigit sa illegal nga droga.
Apan iyahang gibutyag nga ang maong mga pangalan ang kinahanglan pang i-validate sa D.I aron nga maapil sa ilahang watchlist sama sa mga nahimong target sa tokhang.
Pagpaklaro niya nga sagad sa mga panaglan nga gipanghatag kanila ang nadakpan na pinaagi sa mga operasyon sama sa buybust operation. Kalabot niini, gibutyag ni PCI Bayona nga basi sa ilahang ginahimo nga pagmonitor, migamay gyud ang suplay sa illegal nga droga sa dakbayan.
Kini gumikan maglisod na ug sulod ang illegal nga droga gumikan sa sunod-sunod nga operasyon sa kapulisan. Pag-angkon niya nga gikan gyud sa mga kasikbit nga lugar ang droga nga ginapayuhot sa gensan.
