Davao Oriental – Gipaigmat sa 10th Infantry Division Philippine Army, ang katawhan sa Davao Oriental human sa strafing incident sa mga sakop sa New People’s Army (NPA) sa mga sundalo sa Barangay Badas, Mati City, Davao Oriental.
Nanawagan si Major Jerry Lamosao, 10th ID spokesperson sa publiko nga i-report sa mga awtoridad kung adunay mga samarong NPA nga mosulod sa ilang mga lugar aron matambalan kini.
“At this particular incident diha sa Mati City kung aduna nay musulod sa mga panimalay unta matabangan sila nga ma-report sa PNP or sa Army para malapatan og medical treatment, hatagan nato sila’g chance to surrender,” segun ni Lamosao.
Sumala ni Lamosao, anaa sa 30 ka mga sakop sa communist rebels ang nag-operate sa Davao Oriental human mitahan ang 10 ka mga rebelde ilawom sa Weakened Guerilla 18 (WGF 18) Sub-Regional Command 3 sa Southern Mindanao Regional Committee sa NPA.
Stable na ang kondisyon sa nasamdang sundalo nga si Private Melendrez, sakop sa 66th Infantry Battalion kinsa gidala sa Davao Oriental Provincial Medical Center.
RadyoMaN Aimee Guinita
