General Santos City—- Dili makig-negotiate ang pamunuan sa 4th Infantry Division ngadto sa rebeldeng New People’es Army kon NPA aron nga mabuhian ang 14 ka mga miyembro sa militar ug CAFGU nga nauna na nilang gipangdagit milabay’ng semana.
Sumala kang Major General Ronnie Villanueva, Commanding Officer sa 4th ID nga aduna silay nakit-ang kakulangon sa kabahin sa mga gipang-kidnap nga mga personahe sa militar base sa resulta sa gihimong imbestigasyon.
Kung asa gibutyag niya nga gikinahanglan gyud niyang mahinabio ang mga nasangpit aron masayran ung unsay tinuuray nga nahitabo nganong ingon ka kadaghan silang gipangidnap sa rebeldeng grupo.
Saysay pa niini nga tumong sa ilahang ginahimo nga operasyon batok NPA mao ang pagbungkag sa maong grupo ug dili aron nga i-rescue ang ilahang mga kaubanan.
Apan kung ilaha matud pang makit-an ug maabtan nga buhi ang mga nasangpit kini usa ka maayong lakang, apan kung dili matud pa, kini ang ilaha nalang nga dawaton.
Base sa uwaheng impormasyon, padulong sa Agusan Del Sur o Agusan Del Norte ang mga ahisgutan kung asa ginasundan na kini sa tropa sa militar.
Gani aduna matud pay gisugo ang mga rebelled nga mupalit ug pagkaon apan gibutyag sa nasangpit nga opisyal nga basi sa lugar nga nahimutangan sa grupo, maglisod ug sulod ang bisan unang klase nga sakyanan.
