General Santos City— Naka-hightened alert karon ang 10th Infantry Division isip parte sa selebrasyon sa anibersaryo sa rebeldeng New People’s Army kon NPA.
Sumala kang Brig. Gen. Jose Faustino Commandiong Officer sa 10th ID nga gumikan walay deklarasyon sa Suspension Of Military Operation ug walay ceasefire ang militar, padayon ang ilahang operasyon batok rebeldeng grupo.
Iyaha na tud pang gipahimangnuan ang iyahang mga personahe nga magpabiling mabinantayon hilabina nga dunay mga insidenteng pagpangidnap sa mga personhe sa militar sa ubang dapit sa Mindanao.
Dugang pamahayag ni BGen. Faustino nga sa karon, ilahang mas gipakusgan ang ilahang operasyon sama sa Civil Military Operation lakip na ang Intelligence Monitoring.
Saysay niya nga hilabihan na pag-ubos sa ihap sa rebeldeng NPA sa area sa 10 th ID ug kini matud pa ang resulta sa mga ginahimong operasyon sa militar batok sa rebeldeng grupo.
Gani iyahang gidayeg ang pagpamuno ni Major General Noel Clement, kanhing labaw sa 10th nga iyahang gihulipan nga karon anaa na sa central command sa visayas nga nakabase sa Cebu gumikan sa maayo niining perfomance.
