Davao City- Gikalipay sa 10th Infantry Division Philippine Army ang pagpabor sa korte suprema sa martial law nga gipatuman sa tibuok Mindanao.
Kahinumduman, gibasura sa korte suprema ang petisyon nga nag-alkontra sa balaod militar human Onse ka mahistrado mipabor sa deklarasyon, tulo buot limitahan ang gahom niini, samtang usa ang supak sa martial law.
Sumala ni Captain Alex Cabales, acting 10th Infantry Division Public Affairs Office (DPAO) chief, good development alang kanila ang baguhay nga hukom sa korte suprema nga nagpalig-on sa legal nga basehan sa martial law.
Gipalanog ni Cabales nga maayo ang implementasyon sa balaod militar mao nga hangtod karon wala pa silay nadawat nga reklamo gikan sa mga sibilyan nga sila giabuso sa kasundaluhan ug kapulisan.
Gipaniguro sa opisyal nga respetuhon ug dili yatakan sa men in uniform ang tawhanong katungod sa mga yanong lungsuranon samtang nagpatigbabaw ang martial law sa Mindanao.
Kasamang Joel Viray
