Gidagsa sa mga tawo kagahapong adlawa sa hawanan sa kapitolyo probinsiyal, ang usa ka batang babae nga nanambal sa mga adunay gihambing nga sakit.
Naila ang maong bata nga si Cherrie Mae Duhaylungsod, 11 anyos, taga Larena, Siquijor.
Sa pakighinabi sa RMN-DXCC mismo sa amahan sa bata nga si Ramil Duhaylungsod, kwatro anyos pa nagsugod og pagpanambal ang iyang anak ug pirmi na sila galibot sa mga lugar diri sa Mindanao aron lang manambal.
Dugang pa sa amahan, nga ang bata ra ang ilang agdon kung asa kini buot manambal, tungod kay si Mama Mary ang ga-guide sa bata.
Nasayran nga nakaabot na sila og Siargao, ug sa langob sila nagpuyo tungod sa kapobrehon.
Adunay haplas nga gibaligya ang bata, ug kini mismo ang naghimo niini.
Facebook Comments
