BACOLOD CITY – Onse tanan ka mga balay ang gintupok sang kalayo sa nagluntad nga sunog sini gid lamang nga aga sa Brgy. Tangub, Bacolod City.
Ang sunog nagtuhaw pasado las 9 sini nga aga sa Purok Paghidaet, sa likod ang bulangan sa Brgy. Tangub, ciudad sang Bacolod.
Base sa inisyal nga pagpangusisa sang Bacolod Bureau of Fire Protection, ang sunog ginaalegar nga naghalin sa balay ni Luz Galatin bangud sang nabayaan nga naga-sindi nga kandila.
Suno kay Bacolod Fire Marshall, C/Insp. Publio Plotena 9 ka balay ang totally gutted by fire samtang 2 naman ang partially damaged.
Angut sini, gina-bulubanta nagdangat sa kapin P150 mil pesos ang kahalitan sang amo nga sunog./dyHB BACOLOD
Facebook Comments
