11 na ka mga barangay sa banwa sang Surallah apektado sang dry spell, rapid damage assessment ginapatigayon.

Yara na sa 11 ka mga barangay sa banwa sang Surallah kag nagalab-ot sa 694 ka mga mangunguma sa mais ang naapektuhan sang dry spell base sa datos sang Municipal Disaster Risk Reduction and Management Office.
Nagalab-ot naman sa P66.9 million ang danyos sa mais kag 4.6 million naman ang danyos sa palay.
Samtang, sa subong suno kay MDRRM Action Officer Leonardo Ballon ginavalidate pa kon bala may basehan agud nga makadeklarar sang state of calamity ang barangay para mapaidalom man ang banwa matapos nga duha lang ka barangay ang kinahanglan makadeklarar.