Naglab-ot pa sa onse ka mga Local Terrorist Group – Bangsamoro Islamic Freedom Fighters (BIFF) members ang nagsurender paagi suno pa sa joint effort sang 6th Infantry “Redskin” Battalion sang 1st Mechanized Brigade sa pagpamuno ni Commanding Officer, Lt. Col. Charlie Banaag, 90th Infantry “Bigkis-Lahi” Battalion sang 602nd Infantry Brigade, kag mga nagkalain-lain nga Intelligence Units sa idalom sang Joint Task Force Central.
Ang mga surenderees ang yara sa idalom sang Karialan faction BIFF nga nagsurender sa Headquarters sang 6th Infantry (REDSKIN) Battalion, Sitio Landing Fish, Brgy Buayan, Datu Piang, Maguindanao
Ginturn-over man sang nasambit nga mga surrenderees ang 1 ka M653 A1 rifle, 2 ka M16 A1, 1 ka M16 A3, 1 ka Browning automatic rifle, 1 ka Cal 50 Sniper Rifle, 1 ka Cal 30 Sniper Rifle, 1 ka Cal 30 Garand Rifle,2 ka M14 Rifle, 1 ka 40mm M79 grenade launcher.
Ang serye sang pagsurender ang natigayon paagi sa PCVE program (Preventing and countering Violent Extremism) AGILA-HAVEN (Anak na may GInintuang LAyunin upang Hintuan Ang Violent Extremism Ngayon) ukon ang Maguindanao PCVE model nga ginpatuman sang Setyembre 2020.
Sa subong suno kay Maj. Gen. Juvymax Uy, commander sang 6th Infantry (KAMPILAN) Division and Joint Task Force Central nga halin Setyembre 7, 2020 tubtob subong yara na sa 71 ka mga BIFF ang nagsurender.
