Pagadian City – Mapasalamaton mayor sa dakbayan sa Pagadian ang 117 ka parisang magtiayon nga gihiusa sa kaminyoon pinaagi sa programa nga Kasalan ng Bayan nga gipahigayon sa City Commercial Center kun C3 Mall atol Valentine’s Day.
Si Pagadian City Mayor Sammy Co mao mismo ang mi-officiate sa seremonyas sa kasal sa mga managhigugmaay nga gisaksihan sa ilang tagsa-tagsa ka mga miyembro sa pamilya ug mga higala.
Sa mensahe, gihagit ni Mayor Co ang bag-ong mga magti-ayon sa pag-inunungay taliwala sa kalipay ug kasakit sa kinabuhi. Lakip usab nga nitunol sa ilang mga tambag ug pahimangno ang tanang konsehal sa syudad nga gipangunahan ni Vice Mayor Maphi Obaob.
Ang libreng kasal nga gitunol sa syudad maoy kabahin sa usa ka bulan nga kasaulogan sa Civil Registration Month sa Pebrero ug kabahin usab sa pagsaulog sa Valentine’s Day.
Pinakabata nga gikasal nga sila si Mark Ernie Manlanat, 22-anyos ug kapikas niini nga si Marjoline Bangkisio, 18-anyos.
Samtang pinaka-edaran usab sa paresan sila si Levi Villasura, 61 ug iyang gipakaslan si Efepania Labiaga, 68-anyos.
