Misaka na sa 1,184 ka mga New Arrivals ang nalista sa City Health Office sukad niadtong March 30 ngadto sa June 8 , 2020.
Mao kini ang update report ni City Health Officer Dr. Lorraine Nery sa press briefing sa city hall kagahapon.
Matud ni Nery nga lakip sa maong mga New Arrivals ang mga OFWs nga gikan sa ubang nasud sa kalibutan nga mipauli dinhi sa Cagayan de Oro kay apiktado sa Corona Virus ang ilang mga kompaniya nga gi-trabaho-an sa Abroad.
Lakip sa maong mga New Arrivals ang mga Locally Stranded Individuals kon LSI nga nanarbaho sa ubang lugar sa nasud.
Matud ni Nery nga gikan sa maong ihap, mikabat sa 431 ka mga new arrivals ang ilang gipa-ilawom sa Kurintinas ug gi-monitor pag-ayo sa mga health Volunteers sa City Health Office kay aron pagsiguro kon duna bay ilang sintomas o wala sa Covid-19 .
-o0o-
