Davao City – Mawad-an og supply sa tubig sulod sa dose ka oras ang pipila ka lugar sa syudad ugmang adlawa, Setyembre 28, 2018 magsugod alas 9 sa buntag kutob alas 9 sa gabii.
Sa gipagulang advisory sa Davao City Water District kun DCWD, apektado sa maong interruption ang DCWD Madapo Office, Davao City National High School Madapo, areas sa may DCWD Madapo property ug Pag-asa Alley tungod sa disinfection ug paglimpyo sa Madapo Elevated Steel Tank.
Dugang sa nakalinyadang water service interruptions mao ang upat ka oras karong Sabado, September 29, 2018 gikan alas 9 sa buntag kutob ala 1 sa hapon diin apektado niini ang bahin sa Brgy. Los Amigos gikan corner Davao – Bukidnon Road ngadto na Los Amigos Bridge tungod sa i-tap nga bag-ong install nga pipeline sa nasangpit nga lugar.
Samtang 16 ka oras nga walay supply sa tubig ang mga konsumante nga giserbisyuhan sa Dumoy Water Supply System nga magsugod alas 9 sa buntag ugmang adlawa ug kutob pa ala 1 sa kadlawon karong adlawng Domingo.
Maapektuhan niini ang bahin sa Quirino Avenue (gikan corner Mabini Street ngadto sa Davao Mental Hospital); bahin sa J. P. Laurel Avenue (gikan Davao Mental Hospital ngadto sa Durian Hotel); bahin sa E. Jacinto Street (gikan corner Quirino Ave. ngadtosa M. L. Quezon Boulevard lakip ang Ateneo de Davao University and Holy Child College of Davao); entero Roxas Avenue (gikan corner C. Bangoy St. ngadto sa M. L. Quezon Boulevard); mga dalan sa corner E. Jacinto St. ug Roxas St. (Diaz Alley, Coloma St., Ruth Alley ug pipila ka bahin sa Padre Zamora St., Padre Gomez St., S. Artiaga St., Padre Faura St., ug A. Quezon St.); bahin sa Sta. Ana Avenue (gikan sa corner J.P. Laurel Avenue ngadto sa corner Chavez St.) lakip ang Davao Mental Hospital, Davao Chong Hua High School, Pinnacle Hotel, Holy Cross of Davao College ug Hospital Avenue; Guzman St. lakip ang San Pedro Hospital ug San Pedro College; entero Bo. Obrero; portion sa Cabaguio Avenue (gikan Deco Machine Shop padulong sa Agdao Flyover); entero Dacudao; entero Agdao lakip ang wilfredo Aquino (Jereza Subd., Park Avenue, Sarphil Avenue, New Salmonan, ug Water Lily Village), Gov. Vicente Duterte (NHA Agdao, Sto. Niño Kasadya Village, ug San Miguel Village), Leon Garcia Sr. (Gotamco, Coreas Village, Baybay Carpenter, Barrio Bagumbayan, ug Agdao Beach), R. Castillo (Jerome Extension kutob Alcantara), Ubalde (Ubalde Village ug Sto. Niño Pelayo Village), Lapu-Lapu (Davao Farms ug Bayside Village), San Antonio (Ruiz Village, Denia Village, YFC Village, Freedom Settlers, Ibula Village, ug Belisario Village), ug Centro (San Francisco Village, Mintrade, South San Juan, North San Juan, ug Fatima Village); Azuela Cove.
Dugang pa nga nga makasinati og low water pressure ngadto sa no water ang portion sa Sta. Ana Avenue (gikan corner Chavez St. kutob Gempesaw St.), Leon Ma. Guerrero St., Narra St., Chavez St., Aklan St., D. Suazo St., F. Sales St., ug mga kasikbit nga lugar tungod sa Interconnection works.
Alang sa dugang mga pangutana, mamahimong mutawag lang sa DCWD’s 24-hour hotline 297-3293 ug i-press ang 0 o call/text 0927-798-8966, 0908-441-0653 ug 0925-511-3293.
RadyoMaN Renz Barbarona
