Davao City – Prayoridad karon sa Department of Health (DOH) ang pagbakuna sa 12-17 anyos nga adunay balatian o with comorbidities.
Matud ni Dr. Michelle Schlosser, Spokesperson sa Davao City COVID-19 Task Force (TF) sa interbyu sa city-owned radio, nga sugdan na sa National Capital Region (NCR) ang pagbakuna sa maong age group sa sunod semana.
Gibutyag ni Schlosser nga adunay unom (6) ka ospital nga gamiton sa rollout diin unang bakunahan ang nag-edad og 15-17 dayon isunod ang 12-14 anyos. Human sa pito ka adlaw, magpili og unom (6) ka Local Government Units (LGUs) sa NCR asa i -rollout ang vaccination sa pediatric patients.
“After 14 days from the first phase sa (vaccination) rollout, dira na ‘ta mag-entertain og regional rollout. When we say regional rollout, pwede na ‘ta mag-entertain outside NCR pero naa gihapon siyay mga criteria (nga sundon),” saysay ni Schlosser.
Dugang sa health official nga pipila sa mga guidelines sa pagbakuna sa naasoy nga age group mao ang pagbaton og consent kun pagtugot sa ginikanan o sa guardian sa pagbakuna sa ilang anak.
Samtang, Pfizer o Moderna lamang usab nga vaccine brands ang pwedeng ibakuna sa nahisgutan nga mao pay aprubadong bakuna sa Food and Drug Administration (FDA) alang sa mga menor de edad.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
