General Santos City—dead on arrival sa Dr. Jorge Royeca Hospital ang 12 anyos nga estudyante human nakuryentihan sulod mismo sa Compound sa iyang tunghaan partikular sa General Santos City National School of Arts and Trade nga nahimutang sa Barangay Lagao Gensan.
Ang biktima nailhang si Kent Lester Curias, 12, residenti sa Queenie Subdivision, Barangay City Heights, Gensan.
Ala 1:00 pasado ang takna sa hapon, Hwebes, August 24, 2017 samtang anaa sulod sa compound sa ilang eskwelahan ang biktima kini nag dula-dula ug takyan uban sa iyang mga classmate.
Nasangit matud pa ang takyan sa atop sa classroom mao nga nikuha kini ug kable kansa iyang gigamit aron sungkiton ang nasangit nga takyan.
Apan aksidenting natarog sa sungkit ang live-wire hinungdan nga siya nakuryentihan.
Gidala gilayon sa Dr. Jorge Royeca Hospital ang biktima apan wala na kini nakaabot pang buhi.
Subay sa medico legal sa biktima nasuta nga Cardiac arrest secondary to electric fusion ang gikamatay sa nahisgutang biktima. Wala usay nakit-ang foul play sa nahitabong insidenti.
Sa kasamtangan ang patayng lawas sa biktima anaa na sa lokal nga punerarya sa dakbayan sa Gensan.
