KALIBO, AKLAN — Ginpasakaan eon it kasong attempted rape si Jonel Olog, 23-anyos nga naghana nga himuslan ro sangka 16-anyos nga dalagita ko nagtaliwan nga adlaw sa Brgy. Laguinbawa West, Numancia, Aklan.
Si Olog hay native it Ortega, Libacao ag nakapangasawa sa Brgy. Mobo, Kalibo.
Kung matandaan nga natabo rong insidente samtang nagapamaktason rong biktima halin sa banwa it Numancia pauli sa andang baeay sa Brgy. Mobo tag masubeang na rong suspek ag dayon imaw nga ginuyod sa madueom nga kagamuhan, gindumog ag ginhana nga himuslan, mayad eang ay naka sukoe ro biktima ag nakapangayo it bulig sa mga naga agi.
Positibo man nga ginkilaea ag ginturo rong suspek it biktima kamana man ko mga naka saksi.
Sa makaron hay naka kulong eon sa Aklan Rehabilitation Center rong suspek matapos nga mapaslawang maka pyansa it 200,000 pesos para sa anang temporaryong kahilwayan.
