Patay nang nakit-an mga ala una kaganihang kadlawon ang usa ka singko anyos nga batang babaye sa kasagbutan nga bahin sa Putok 7, Barangay Cogon, Gitagum, Misamis Oriental.
Kini ang gikumpirmar ni Police Sr. Insp. Ron Baba, Hepe sa Gitagum Municipal Police Station.
Matud ni Sr. Insp. Baba nga kagahapon sa hapon ulahing nakita ang bata uban ang usa ka 12 anyos nga batang lalaki.
Gidugang sa Hepe nga sa pakisusi sa SOCO gitook ang singko anyos nga biktima nga maoy hinungdan sa iyang kamatayon.
Nakita usab sa SOCO nga gihilabtan o gilugos ang maong bata.
Sa karon naa na sa kustodiya sa Department of Social Welfare and Development ang 12 anyos nga suspek.
Facebook Comments
