Pagadian City – Sadya nga gidawat sa 12 ka mga kanhing rebelde ang gitunol nga pinansyal nga tabang alang kanila kagahapong adlawa.
Ang matag usa kanila midawat sa tag-20k nga livelihood assistance pinaagi sa Department of Social Welfare and Development kun DSWD.
Kabahin kini sa padayong re-integration program sa pangagamhanan alang sa mga kanhi mianib sa rebeldeng grupo ug karon mibalik na sa sabakan sa gobyerno.
Si PSWDO Head Ermilinda Bacatan ang nangunay paghatag sa ilang mga tseke.
Atol sa maong higayon, gidasig usab ang mga kanhing rebelde nga gamiton ang ilang nadawat nga assistance sa hustong paagi aron makasugod sa ilang panginabuhian. //CCTO
Facebook Comments
