Pagadian City – Moabot sa 12 ka mga Barangay sa syudad sa Pagadian ang gideklara nga drug cleared kagahapon sa pinaagi sa Regional Oversight Committee on Barangay Drug Clearing Operations.
Atol sa deklarasyon nitambong ug nisaksi ang mga local chief executives kun mga Mayor, Hepe sa Kapulisan, Municipal Anti-Drug Abuse Council kun ( MADAC) ug Barangay Anti-Drug Abuse Council kun ( BADAC) members.
Gipa-ila ni Pagadian City Mayor Romeo Pulmones ang mga bag-ong barangay nga ‘drug cleared’ ang Alegria, Baloyboan,Bogo,Danlugan, Bulawan,Datagan, Ditoray,Gubac, Kahayagan, Kalasan, Tulawas ug Upper Sibatang.
Base sa Section 8 sa DDB Regulation No. 3, series of 2017, nakapasar ang nahisgutan nga barangay sa mga basehan nga wala nay’drug supply, transshipment activities, drug laboratory ug warehouse, chemical warehouse, marijuana cultivation site, drug den, drug pusher, protector, financier ug mga user.
