Davao City- Walay significant nga side effects nga natala ang Southern Philippines Medical Center sa 960 ka mga nakadawat sa first shot sa Sinovac vaccine.
Sa interbyu sa RMN Davao kang SPMC OIC Dr. Ricardo Audan, aduna lamang 12 ka mga recipients ang adunay mild adverse effects.
“These are dizziness, palpitation, upper swelling, itchiness, nausea… mild ra man,” sumala niini.
Karong Huwebes mahuman ang COVID-19 vaccination sa 4,500 ka mga SPMC employees nga nipatala nga mudawat sa bakuna sa Sinovac.
Matud ni Audan, kinsa pinakaunang nabakunahan sa Sinovac vaccine sa Mindanao, walay mga manifestations o side effects siyang nasinatian sukad sa adlaw sa pagdawat niya sa bakuna.
Sa Abril 5 ang second tranche sa vaccination sa mga recipient sa Sinovac vaccine sa SPMC.
RadyoMaN Aimee Guinita
