Nabasa ang nakastock nga chlorine ang ginalantaw nila nga rason sa pagkasunog sa storage room malapit sa bleachers sang swimming pool sa South Cotabato Sports Complex pasado alas-5:00 kahapon nga adlaw, suno kay FO1 Joric Abalos, Investigator sang Bureau of Fire Koronadal.
Samtang base sa ila nga datos suno kay Abalos yara sa 12 naman ka mga persona ang nasuffocate lakip na ang walo ka mga athletes sang South Cotabato Division Office nga nagapaidalom sa training tungod sa nahaklo nga baho sang chlorine.
Nagalab-ot naman sa P20, 000.00 ang natuga nga danyos sang nasambit nga sunog sa bodega sang sports complex
Advice naman nila suno kay FO1 Abalos nga kon may ginastock nga chlorine, kinahanglan may –yara sang proper ventilation tungod ginakabig nila ini nga hazardous material.
Sa subong nagapadayon pa ang imbestigasyon sang Bureau of Fire Koronadal sa nasambit nga insidente.
Ginkumpirmar naman ni Sir Alex Floro, Sports Supervisor sang South Cotabato Division Office nga gilayon man nga nakaggwa sa ospital ang walo ka mga athletes sang division. Apang gin-advice ang pagpaadmitir sa mga ini sang 24 –oras sa hospital agud mamonitor ang ila nga health status.
Ipaidalom naman sa stress debriefing ang nasambit nga athletes. credit to the owner
