123 ka mga rebel returnees nga gidapit sa Malacanang alang sa salo-salo, mibalik na sa Mindanao.

Mibalik na kagahapong adlawa sa Mindanao ang 123 ka mga rebeldeng New Peoples Army, human sila nakigkita kang Pres. Rodrigo Duterte sa Malakanyang ug nakig-uban sa gihimong salo-salo.

Matud ni 4th ID spokesperson 1Lt. Tere Ingente, nga gawas sa panihapon gihatagan usab og higayon ang mga misurender nga sakop sa N-P-A, nga makabisita sa “walled city” o Intramuros.

Gawas niini, gipabalonan usab sila sa tag-kinse mil pesos tungod sa ilang pagsurender ug laing 50 mil pesos alang sa ilang pangkabuhayan package.

Gani, lakip sa gibayran sa gobyerno sa ilang pagsurender ang ilang mga gidalang armas.