General Santos City—samad sa iyang tuhod ang naangkon sa usa ka 13 anyos human nga naunay sa iyang pana human siyang nadakin-as daplin as baybay sa may Poblacion, Malapatan, Sarangani Province.
Ang biktima giila nga si Miguel Sangay, 13, residenti sa samang lugar. Alas 10:00 ang takna sa buntag, Miyerkules, August 2, 2017 dihang nahidangat sa baybay ang biktima bibit ang iyang pana aron unta mamana ug isda.
Pag abot sa lugar aksidenting nadakin-as ang biktima sa bato nga miresulta sa pagkasamad niini human nga miigo ang iyang bitbit nga pana sa iyang tuhod.
Paspas nga gidala sa ospital ang biktima partikular na sa Dr. Jorge Royeca Hospital aron matambalan.
Hinuon sa karon luwas na sa kuyaw nga kahimtang ang biktima ug nagpaalim nalang sa iyang samad nga naangkon.
