Patay ang 13 anyos nga dalagita matapos madisgrasya ang ginamaneho sini nga motorsiklo sa banwa sang Lambunao kahapon sang aga.
Ginkilala ang biktima nga si Ferlyn Dalumpines, 13 anyos sang barangay Paho, Lambunao, Iloilo.
Ginpahayag ni PO2 Ramon Legayada sang Lambunao PNP nga natabu ang aksidente alas 11 kahapon sang aga samtang ginamaneho sang biktima ang motorsiklo kag angkas ang magulang sini nga si Fernan Dalumpines gikan sa barangay Hayubo, Lambunao, Iloilo kag papuli na sila sa barangay Paho.
Subong man, pag-abot sa barangay Caningwan, Lambunao, nag-overtake ini sa ginasundan nila nga motorsiklo apang na-alang-alang si Ferlyn kag nagbalang-balang ang motorsiklo kag nagbunggo sa naga-park nga salakyan .
Bangud sini, nakaagum sang pilas sa ulo ang biktima kag gindala sa ospital apang gindeklarar nga dead on arrival.
Pilason naman kag yara na sa maayo nga kahimtangan sang magulang sini nga si Fernan.
