Yara sa trese ka mga preso sang South Cotabato Rehabilitation and Detention Center ang padayon nga ginapaidalom sa 14 days quarantine tungod halin ang mga ini sa gwa nga gincommit sang mga municipal police station sa probinsya.
Suno kay OIC Warden Felicito Gumapac lunsay naman ang mga ini negatibo sa COVID-test sang gincommit sa pasilidad, apang naniguro lamang suno pa siya amo amo nga gin-isolate ang mga ini.
Sa subong suno pa ginapatuman na ang scheduling sa mga i-commit nga preso sang mga municipal kag city police station sa pasilidad.
Ginkumpirmar man ni Gumapac nga indi gid mapatuman ang physical distancing sa mga preso tungod sa kadamuon sang mga ini amo nga istrikto nga ginapatuman ang health protocol agud nga indi makasulod rehabilitation and detention center ang COVID-19 tungod mabudlay ka tama.
Dugang pa niya nga sa subong wala pa ginbalik ang pagbaton sang bisita sang mga preso.
