General santos City— Mukabat na sa 13 ka mga kaso sa pagpamusil ang naitala sa area sa Police Station 2 gikan Enero hangtud na sa karon ug ang uwaheng biktima mao si Ameroddin Tondog, 36 anyos nga residente sa Alabel, Sarangani.
Sumala kang Police Chief Inspector Renato Salarda ang hepe sa Makar Police Station nga gikan sa 13 ka mga kaso sa pagpamusil, duha pa lang ang ilahang napasakaan ug kaso gumikan duha pa lang ang mga suspek nga nailhan nga responsable sa pagpamusil.
Dugang pa niini nga sagad sa mga kaso mao ang love triagle, away sa luna ingon man ang illegal nga druga, apan sa hisgutanang mistaken identity, kini ang dili pa nila makumpirma.
Facebook Comments
