All set na ang himoon security plan sa Bukidnon Provincial Police Office sa atol highlights sa Kaamulan Festival 2019 nga mao ang street dancing ug ground competition.
Sa interview sa RMN Malaybalay ngadto kang Police Captain Jiselle Longakit, ang spokesperson sa PNP Provincial Command gibutyag niini nga muabot ngadto sa 1,300 kapin kon kulang ka mga unipormadong pulis ang ipakatag ug wala pay labot niini ang mga intelligence.
Aduna matud pay augmentation sa nagkadaiyang municipal police station sa Bukidnon ug sa Police Regional Office 10.
Nasayran nga adunay gipahigayon nga mga strong checkpoint sa Kisolong, Sumilao, Aglayan Malaybalay City ug Lumbo, Valencia City.
Gawas ninii adunay mga random checkpoint ang ilang ipahigayon sa Barangay Sumpong, Kalasungay, ug Casisang ning siyudad.
Nasayran nga mutambong mismo si Pangulong Rodrigo Duterte karon Sabado, Abril 13 sa highlights sa Kaamulan 2019.
