Davao City – Mokabat sa 75% o 136 ka mga barangay sa syudad sa Davao ang nagbaton og zero cases sa Coronavirus Disease 2019 (COVID-19).
Gibutyag ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), sa datus gikan November 14 – 20, 2021, 46 lamang sa 182 ka barangay ang nakatala og COVID-19 cases.
Gisulti usab ni Schlosser, anaa lang usab sa usa o duha ka kaso ang natala sa mga barangay nga nagbaton og COVID-19 cases sa maong period butang nga gipasalamatan sa COVID-19 Task Force.
“Naa na lang ‘tay 46 ka barangay nga naay (COVID-19) cases, and these 46 barangays kasagaran ani, one to two cases lang ang naa sa ilang barangay for that particular week,” matud ni Schlosser.
Matud sa health official, wala nay gilockdown nga establisyemento sa syudad ug nagpasalamat kini sa kooperasyon sa mga establishment owners tungod sa ilang padayong pagsuporta sa mga health protocol nga ginapatuman sa City Government of Davao.
RadyoMaN Kirby Manzon
