Mokabat sa 136-mil pesos nga kantidad sa suspected SHABU ang na-imbargo sa kapolisan sa Cogon Police station atol sa ilang drug buy bust operation sa Villa Angela Subdivision, Lower Balulang ning syudad mga alas 7:55 kagabie.
Gibutyag ni Cogon Police Station Chief, Senior Inspector Dennis Guindara nga ilang na-imbargo gikan sa usa ka 17 anyos nga lalaking suspect ang suspected SHABU nga mokabat sa dili mominus 20 gramos.
Matud ni Guindara nga ang maong suspected SHABU ilang nakuha sa possession sa maong suspect atol sa ilang drug buy bust operation.
Apan una pa niini, unang nakuha sa mga otoridad ang duha ka pakite nga suspected SHABU gikan sa maong suspect isip drug buy bust item baylo sa 500 pesos nga drug buy bust money.
Ang maong suspek detinado sa Maharlika Detention Cell ug mag-atubang sa kasong illegal drugs sa iyang violation sa Republic Act 9165.
