Davao City – Abundang mga pahalipay ang gipang-apod-apod sa lokal nga panggamhanan sa pangpanguna ni Davao City Mayor Sara Duterte sa mga magtutudlo atol sa kasaulugan sa World Teacher’s Day nga gipahigayon sa Davao City National High School open grounds adlawng Biyernes.
Kapin 13,000 ka mga magtutudlo sa entero Davao ang nidawat og tag-P1,000 gift cheques ug 13 kanila ang nidaog og mga gipa-raffle nga appliances sama sa microwave ovens, gas range, refrigerators, washing machine, flat screen TV, laptops with printers, I phone ug grand prize ang Yamaha Mio motor.
Sumala sa alkalde nga ang mga pasundayag nga giandam sa syudad ug mga pahalipay usa ka pasalamat ug tribute sa mga teachers sa ilahang dakong kontribusyon sa paghulma og mga maayong mga katawhan sa Davao ug sa ilahang passion sa pagpanerbisyo.
Malipayon ug nagpasalamat si Ines Asuncion, Schools Division Superintendent sa City High ngadto sa lokal nga gobyerno.
Gawas niini lauman nga madawat sa mga teachers ang ilahang P1,000 nga cash incentives gikan sa Department of Education.
RadyoMaN Aimee Guinita
