Mitunol ang Department of Agriculture kon D-A Northern Mindanao sa kantidad nga 14.7 milyon pesos sa kagamhanan sa Misamis Oriental.
Mismo gihatag ni D-A 10 Regional Director Carlene Collado ang tseke ngadto ni Governor Bambi Emano atol sa pagpakayab sa nasudnong bandila.
Nasayran nga ang maong kantidad ang ipalitay sa tulo ka mga sakyanan sa buhatan sa Provincial Agriculture Office, pagpatul-id sa uban nga mga farm facilities ug pagpalit sa mga kahimanan sa buhatan.
Mahinumduman nga una na nga nagtunol ang D-A 10 og laing 10 milyones pesos nga maoy gamiton sa pagtukod sa bodega sa area sa Lumbia ning syudad.
Nasayran nga dinhi ibutang ang mga stock sa binhi o abuno apil na ang farm equipment alang sa katawhan sa Misamis Oriental ug sa tibuok rehiyon.
