General Santos City—gidunggab sa gituohang miyembro sa mga “BATANG SUKARAP” ang usa ka minor de edad alas 10:00 ang takna sa gabie, atubangan sa usa ka kan-anan sa may National Highway, ning dakbayan sa Gensan.
Biktima itago lang sa pangalang alias Noby, 14, residenti sa purok 4, Barangay Katangawan ning syudad.
Sa inisyal nga imbistigasyon sa kapulisan nasuta nga gikan ug mang Inasal ang nasangpit ug paggawas niini kalit syang gidunggab sa grupo sa mga Children in Conflict With the Law (CICL) o mas naila sa tawag nga mga “BATANG SUKARAP” igo sa iyang kilay nga bahin.
Paspas nga nanagan ang mga suspek palayo sa lugar samtang ang biktima, gidala dayon sa pInakaduol nga ospital sa syudad.
Luwas na hinuon sa kuyaw nga kahimtang ang nasangpit ug nagpaalim nalang sa iyang naangkong samad. Padayon pa usab nga ginaila sa kapulisan ang mga suspetsadong responsabli sa krimen.
