Patay ang usa ka menor de edad, human nga maghikog sa sityo Cabulawan, Barangay Solana, Jasaan, Misamis Oriental.
Matud ni SPO2 Paul Salcedo, ang imbestigtador sa Jasaan, Municipal Police Station, nga naila lamang ang biktima nga si Lyn, 14 anyos, residente sa maong dapit.
Nasayran nga sa wala pa naghikog ang biktima, nag-away pa kini sila sa iyang inahan niadtong Pebrero 12 sa gabei, ug pagkabuntag Pebrero 13, nilakaw ang inahan aron manglaba, apan pag-uli niini sa panimalay didto na nakita ang biktima nga nagbitay gamit ang bakos.
Nasayran usab basi sa pamahayag sa inahan, nga adunay pagka-putong ang biktima, apan wala damha sa inahan nga moresulta kini sa paghikog sa biktima.
Samtang adunay personal nga problema ang biktima, basi sa suicidal note nga nakita mismo sa inahan niini.
Matud ni SPO2 Paul Salcedo sa Jasaan, Municipal Police station, nga sa ilang pagpakighinabi sa inahan, buros matud pa ang biktima.
Dugang pa ni SPO2 Salcedo nga ang pagsabak sa biktima mao ang hinungdan sa panaglalis niini sa iyang inahan, ayha nahitabo ang paghikog sa biktima.
Tungod niini, nanawagan karon si SPO2 Salcedo sa mga ginikanan nga subaybayan, ug ipabati sa mga anak ang pagmahal sa usa ka ginikanan, aron nga dili kini mosumbong s ailing problema sa laing tawo, kondili sa ila mismo.
