Luwas na sa delikadong kahimtang ang 14 anyos nga biktima human misulay paghikog kagahapon sa hapon didto sa brgy. Dumalagan ning syudad sa Butuan, apan nakabsan sa kinabuhi ang magulang niini nga una na usab nga naghikog pinaagi sa paghikot sa pisi sa iyang li-og ug nagbitay sulod sa kwarto. Dead on arrival nga gidala sa Butuan Doctors Hospital ang biktima nga si Annelyn Tablo Mag-aso, 31 anyos,minyo, residente sa Purok 2, Brgy. Dumalagan, Butuan City human nadiskobrehan nga nagbitay sulod sa iyang kwarto. Gibutyag sa ugangan sa biktima nga si Samson Mag-aso nga posibleng problema sa utang ang hinungdan sa pagpamatay sa iyang binalaying biktima. Sa pagrespondi sa Police Station 3 aron imbistigahan ang maong insidenti nadiskobrehan usab nila ni PO2 Bernard Amora ug PO2 Rommel Guibone nga naghikot ug pisi sa li-og ug nagbitay na sab kusina sa panimalay ang manghud nga naila’ng si Junrey Tablo. Daling gidala sa balay tambalanan ang biktima’ng 14 anyos ug sweri nalang nga naluwas sa baba sa kamatayon pinaagi sa paningkamot sa mga doctor. Gikatahung dili madawat sa manghud ang gidangatan sa iyang magulang mao’ng gusto pod usab niini nga magpakamatay.
Possible usab nga kaliwat sa pamilya ang maghikog tungod kay naghikog patay usab ang amahan sa mga biktima, lima ka tuig na ang nakalabay.
Sent from my Samsung Galaxy smartphone.
