Gigahin sa Ayala foundation ang 14 bilyones pesos nga pondo alang sa ipatukod nga Habini Bay sa 524 ka ektaryang luna gikan sa lungsod sa Laguindingan paingon sa Alubijid, Misamis Oriental.
Gibana-banang mokabat sa 25 ka tuig ang target nga gidugayon sa pagpatukod niini diin dunay ibutang nga government center, mall ug residential area.
Matud ni Provincial Administrator Atty. Joy Mateo nga tungod sa maong proyekto, dunay mokabat sa 10-mil ka job openings diin prayoridad nga maka-trabaho ang mga Misamisnon.
Ang Habini Bay matawag nga City within the municipality ug sa dili madugay, mamahimo nang siyudad ang lungsod sa Laguindingan.
Sa karon, duna nay gipagawas nga 4 billion pesos nga pondo ug ang laing 10 billion pesos ang ipagawas sa mosunod pang mga tuig.
Dugang pahayag sa administrador nga dili basta na lang mopasagad ang Ayala sa mga daan nga tourist spot sa maong lungsod.
