Nagbitbit ug 16 ka mga klase-klaseng mga armas ang 14 ka mga sakop sa rebelding New Peoples’ Army (NPA) nga misurender sa 26th IB Phil. Army didto sa lungsod sa Talacogon, Agusan del Sur kagahapon. Nagdesisyon sila nga motahan sa kaugalingon tungod sa kahadluk gumikan sa padayung engkwentro batok sa goberno uban sa malampuson nga implementasyon sa Community Support Program. Sa pahayag sa usa ka surrenderees nga si Alyas Jim, gibutyag niya nga nalibog na siya ug nahadluk sa iyang kinabuhi tungod kay daghan na sa ilang mga kauban ang napatay ug nasamdan sa engkwentro batok sa military. Niini nga kalampusan, gipasalamatan ni Col. Andres Centino, ang brigade commander sa 401st Brigade Phil. Army ang tropa sa 26th IB sa ilang paningkamot. Nanawagan usab ang opisyal sa ubang mga sakop sa NPA nga motahan na usab ug andam silang dawaton sa goberno aron manginabuhi nga luwas ug malinawon Sent from my Samsung Galaxy smartphone.
