Davao City – Way pagpanuko ang mga pulis sa Calinan sa pagsikop sa mga sugarol sama sa tulo ka lalaki human naaktuhan nga nagdula og tong-its ala 1:00 sa hapon didto sa Purok 1-B Brgy. Riverside Calinan, siyudad sa Davao.
Sa blotter sa Calinan PNP ang tulo ka mga naaresto mao sila si Joseph Edullantes, 39 anyos, usa ka driver ug residente sa Zone 1 Buara, Cagayan De Oro City, Ruben Tangian, 60 anyos, usa ka driver ug nagpuyo sa Purok Zone 2, Sta. Nino Taguluan dakbayan Cagayan De Oro ug laing usa ka Vanrandolf Daboda, 52 anyos, usa ka laborer nagpuyo sa Purok 5 Brgy. Riverside Calinan ning dakbayan.
Matud pa ang tulo ka dinakpan nakuhaan og usa ka set nga baraha gikan sa ilang possession lakip nakumpiska ang kuwarta nga gipangpatad nga mukantidad og 160 pesos ug illegal gambling paraphernalia.
Ang tulo ka dinakpan priso na sa Calinan PNP ug gihikay na sa kapulisan ang kasong kalapasan sa Republic Act 9287 kun Illegal Gambling.
RadyoMaN Don Pulayao
