Gikataho sa Department of Interior and Local Government kon DILG nga mukabat sa 141 ka mga contact tracers ang na deploy na sa nagkadaiyang dapit sa probinsya sa Bukidnon.
Sa pagbisita sa mga membro sa Coordinated Operations to Defeat Pandemic (CODE) Team sa Probinsya sa Bukidnon gibutyag ni DILG Undersecretary Jonathan Malaya nga sa region 10 adunay 2,001 ka mga contact tracers ang na-hire sa ilang buhatan kung asa 141 niini gi-deploy sa Bukidnon.
Sa 141, 19 niini gibutang sa Malaybalay ug laing 19 gideploy sa Valencia samtang 13 sa Manolo Fortich nga mutabang sa himoon nga contact tracing.
Nasayran ngga tumong sa pagbisita sa maong grupo nga matabangan ang Probinsya sa Bukidnon nga mapa-ubos ang ihap sa pagkuyanap sa COVID-19 sa atong probinsya pinaagi sa paghatag ug mga rekomendasyon nga nakabase usab sa ubang mga probinsya nga miubos na ang kaso sa maong virus.
